Pikkewyn

Pikkewyne Tydperk: Paleocene-Onlangs, 62–0 m. jaar gelede PreЄ Є O S D C P T J K Pg N
Stormbandpikkewyn, Pygoscelis antarctica
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Infraklas:	Neognathae
Orde:	Sphenisciformes Sharpe, 1891
Familie:	Spheniscidae Bonaparte, 1831
Moderne Genera
Aptenodytes Eudyptes Eudyptula Megadyptes Pygoscelis Spheniscus Uitgestorwe Genera, sien Klassifikasie
Verspreiding van die pikkewyne

Die pikkewyne (Spheniscidae) is 'n groep seevoëls uit die Suidelike Halfrond wat nie kan vlieg nie. Hulle verteenwoordig die enigste familie in die orde Sphenisciformes wat onder die Neognathae tel - 'n superorde van voëls waar die kake eers relatief onlangs in die evolusionêre geskiedenis gevorm het.

Die duikers (Gaviiformes) en stormvoëlagtiges (Procellariiformes) vorm waarskynlik hulle stamverwante sustersgroepe.

Pikkewyne is maklik onderskeibaar van alle ander voëls en is uitstekend aangepas tot 'n lewe in die see en deels om in die koudste dele van die wêreld te oorleef.